Skip to main content

შესავალი

NOTICE

iPay-ს აქტიური მხარდაჭერა აღარ ხორციელდება. ბოლო ვერსიის სანახავად, იხილეთ გადახდების მენეჯერი

რა არის ონლაინ გადახდების API

ონლაინ გადახდების API გაძლევთ საშუალებას, მარტივად ჩააშენოთ გადახდების მოდული ნებისმიერი ტიპის ონლაინ მაღაზიაში. მისი საშუალებით შესაძლებელია მარტივი ინტერფეისიდან გადახდების ინტეგრაცია ონლაინ მაღაზიაში, რომელიც მოიცავს როგორც საქართველოს, ასევე სხვა კომერციული ბანკების ბარათებით - VISA, Mastercard, American Express - ტრანზაქციების შესრულებას.

რა არის საჭირო ინტეგრაციისთვის

ინტეგრაციისთვის აუცილებელია, მერჩანტი იყოს საქართველოს ბანკის კლიენტი და ჰქონდეს ანგარიში bonline.bog.ge-ზე. იმისათვის, რომ მერჩანტმა სრულყოფილად ისარგებლოს ონლაინ გადახდების ფუნქციონალით, სავალდებულოა, ბანკში შევსებული იყოს როგორც კომპანიის შესახებ ძირითადი ველები, ასევე iPay პარამეტრები (გადახდისა და თანხის დაბრუნების Callback-ის მისამართები, რომლითაც ბანკი შეატყობინებს მერჩანტს შესაბამისი ოპერაციის შედეგს). ამ ინფორმაციას კომპანია ელექტრონული სახით აწვდის ბანკს. ძირითადი ველების შევსების შემდეგ, მერჩანტი იქნება ე.წ. მოლოდინის რეჟიმში, მიენიჭება იდენტიფიკატორი ბანკის სისტემაში, თუმცა იქნება დახურული (blocked) სტატუსით. ასეთ დროს, ონლაინ მაღაზიიდან გადახდის მცდელობისას, დაფიქსირდება შეცდომა. მხოლოდ iPay პარამეტრების შევსების შემდეგ, მერჩანტი შეძლებს ონლაინ მაღაზიის სრულ ინტეგრაციასა და ტესტირებას.

პროტოკოლი და ტექნიკური სპეციფიკაცია

  • API-ს არქიტექტურული მიდგომა - Restful
  • ონლაინ გადახდების აპლიკაციის პროტოკოლი: HTTP/1.1. უსაფრთხოების გაზრდის მიზნით, აუცილებელია API-ს ყველა მეთოდის გამოძახება https-ის გამოყენებით, რომელიც წარმოადგენს http პროტოკოლის გაფართოებას
  • სერვისის გამოძახების ტიპი - სინქრონული
  • უსაფრთხოების პროტოკოლი - OAuth 2.0
  • მხარეებს შორის ინფორმაციის გაცვლის უსაფრთხოების სტანდარტი - JSON Web Tokens (JWT)
https://ipay.ge/opay/api/v1

პროცესის მოკლე აღწერა

წარმოგიდგენთ ონლაინ გადახდების Checkout-ის სრული ციკლის მოკლე მიმოხილვას:

  • კლიენტი ონლაინ მაღაზიის ვებგვერდზე ირჩევს სასურველ პროდუქტს ან პროდუქტების კალათას და აჭერს გადახდის ღილაკს
  • ონლაინ მაღაზია აგზავნის მოთხოვნას ონლაინ გადახდების სერვერზე
  • სერვერი აბრუნებს გადახდის პროცესის გასაგრძელებლად საჭირო პარამეტრებს
  • ონლაინ მაღაზია ამისამართებს კლიენტს ონლაინ გადახდების გვერდზე
  • ონლაინ გადახდების გვერდზე კლიენტს შეჰყავს ბარათის ან ინტერნეტბანკის მონაცემები და ასრულებს გადახდის პროცესს
  • ონლაინ გადახდების სერვერი უბრუნებს პასუხს მერჩანტს (Callback)
  • ტრანზაქცია წარმატებით სრულდება