აგრეგატორის ინტეგრაციის პროტოკოლი ელ. კომერციის მომსახურებისთვის
რა არის ონლაინ გადახდების API
ონლაინ გადახდების API განკუთვნილია ნებისმიერ ელექტრონულ სისტემასთან უსაფრთხო გადახდების მოდულის სწრაფად და მარტივად ინტეგრაციისთვის. მისი საშუალებით მარტივდება გადახდის პროცესი, რაც ბიზნესს1 საშუალებას აძლევს მიიღოს გადახდები სხვადასხვა გადახდის მეთოდის გამოყენებით, მათ შორის საქართველოს ბანკისა და სხვა კომერციული ბანკების (VISA, MasterCard, American Express) ბარათებით.
პროტოკოლი და ტექნიკური სპეციფიკაციები
- API არქიტექტურა - RESTful
- კომუნიკაციის პროტოკოლი - HTTP/1.1. ყველა API მეთოდის გამოძახება უნდა განხორციელდეს HTTPS-ის გამოყენებით, რათა უზრუნველყოფილი იყოს მონაცემთა უსაფრთხო გადაცემა.
- მონაცემთა ფორმატი - JSON. ამარტივებს API მეთოდებთან ინტეგრაციას.
- ავთენტიფიკაცია და უსაფრთხოება - ავთენტიფიკაციისთვის გამოიყენება OAuth 2.0, ხოლო JSON Web Tokens (JWT) უზრუნველყოფს მონაცემთა უსაფრთხო გაცვლას.
- სინქრონული API მოთხოვნები - ყველა API მოთხოვნა მუშავდება დაუყოვნებლივ და დაბრუნებული response ასახავს API გამოძახების შედეგს.
- ასინქრონული webhook შეტყობინებები - მიუხედავად იმისა, რომ API მოთხოვნები სინქრონულია, მნიშვნელოვანი მოვლენები, როგორიცაა გადახდის დადასტურება და განახლება, მუშავდება ასინქრონულად Callback-ის3 მეშვეობით, რაც უზრუნველყოფს საიმედო, real-time კომუნიკაციას.
- შეცდომების მართვა - სტანდარტული HTTP სტატუს კოდები და დეტალური შეცდომის შეტყობინებები გამოიყენება წარმატებული ან შეცდომით დასრულებული ოპერაციების დასამუშავებლად, რაც დეველოპერებს ეხმარება პრობლემების სწრაფ დიაგნოსტირებაში.
გადახდის პროცესის მოკლე აღწერა
- მომხმარებელი აინიცირებს გადახდას: მომხმარებელი ირჩევს სასურველ პროდუქტს ან მომსახურებას (ან პროდუქტების / მომსახურებების კალათას) ბიზნესის ვებგვერდზე და აჭერს გადახდის ღილაკს.
- ბიზნესი აგზავნის შეკვეთის მოთხოვნას: ბიზნესი აგზავნის შეკვეთის მოთხოვნას ონლაინ გადახდების API-ში გადახდის პროცესის დასაწყებად.
- API აბრუნებს შეკვეთის მოთხოვნის დეტალებს: გადახდის კარიბჭე აბრუნებს საჭირო პარამეტრებს — როგორიცაა შეკვეთის მოთხოვნის ID და გადამისამართების URL — რომელიც გადახდის პროცესის გაგრძელებას უზრუნველყოფს.
- მომხმარებელი გადამისამართდება ონლაინ გადახდის გვერდზე: ბიზნესი მომხმარებელს ამისამართებს ონლაინ გადახდის გვერდზე2, სადაც მომხმარებელი ირჩევს გადახდის მეთოდს, შეჰყავს ბარათის დეტალები ან ასრულებს გადახდას ინტერნეტ ბანკში ავტორიზაციით.
- გადახდის დამუშავება: ონლაინ გადახდების სისტემა ამოწმებს გადახდის დეტალებს და უსაფრთხოდ ამუშავებს გადახდას.
- Callback შეტყობინება იგზავნება ბიზნესთან: როგორც კი გადახდა დამუშავდება, ონლაინ გადახდის სისტემა აგზავნის Callback-ს, ბიზნესის მიერ შეკვეთის მოთხოვნაში მითითებულ Callback მისამართზე.
Callback-ის მიღება გადამწყვეტი ბიჯია გადახდის პროცესში. იგი ადასტურებს გადახდის სტატუსს (წარმატებული ან წარუმატებელი) და სხვა საჭირო დეტალებს. Callback-ში მიღებულ ინფორმაციაზე დაყრდნობით, ბიზნესმა უნდა უზრუნველყოს თავისი სისტემის განახლება.
- ოპერაციის დასრულება: Callback-ის მიღების შემდეგ, ბიზნესი ამთავრებს პროცესს, ადასტურებს შეკვეთას მომხმარებელთან და ასრულებს ყველა დაკავშირებულ საოპერაციო ნაბიჯს.
ონლაინ გადახდის გვერდზე გადამისამართებამდე ბიზნესს შეუძლია, გამოიყენოს ბარათის დამახსოვრების ფუნქციონალი, შემდგომში ოპერაციების ავტომატურ რეჟიმში ან ბარათის მონაცემების შეყვანის გარეშე განხორციელების მიზნით.