დოკუმენტი განკუთვნილია სერვის-პროვაიდერებისათვის.
რა არის Payment Gateway?
Payment Gateway არის ონლაინ სერვისი, რომელიც საშუალებას აძლევს ბიზნესს და ინდივიდებს მიიღონ გადახდები მომხმარებლებისგან მათი ვებსაიტების ან მობილური აპლიკაციების საშუალებით.
მიზანი
დოკუმენტი შეიცავს ინფორმაციას კომუნიკაციის მეთოდების, ხელმისაწვდომი ოპერაციების, გაცვლის ფორმატების, ავთენტიფიკაციის, წინასწარ განსაზღვრულ პარამეტრებსა და სტატუსის კოდებზე და ა.შ..
პროტოკოლის აღწერა
დოკუმენტი აღწერს სისტემას, რომელშიც მომხმარებელი ურთიერთქმედებს სერვის-პროვაიდერთან ინტერფეისის საშუალებით. უფრო კონკრეტულად, მომხმარებელს შეუძლია საქართველოს ბანკის სერვერის მეშვეობით გააგზავნოს ვებ-მოთხოვნა სერვის-პროვაიდერთან, რაზეც ამ უკანასკნელს პასუხის გაცემის ვალდებულება ეკისრება. ხოლო მიღებული პასუხი დამუშავდება BOG-ის მიერ და გამოჩნდება მომხმარებლისთვის შესაბამის ადგილას.
მომხმარებელს შეუძლია განახორციელოს ოპერაციების თვითნებური რაოდენობა. გარდა ამისა, ზოგიერთი გადახდის არხი შეზღუდავს ამ რიცხვს ორი ოპერაციით (ინფორმაცია ვალისა და/ან გადახდის შესახებ), თუმცა ამის გვერდის ავლა შესაძლებელია სერვისის ინტეგრაციისთვის საჭირო დროის ხარჯზე.
პროტოკოლი იმუშავებს ვებ-აპთან ერთად, რომელიც მისცემს სერვის-პროვაიდერებს შესაძლებლობას განსაზღვრონ მრავალი ოპერაცია ერთი გადახდის ნაკადზე ინტერფეისის საშუალებით. ყველა სერვის-პროვაიდერს ექნება შესაძლებლობა განაგოს ისევე როგორც ოპერაციების რაოდენობა, ასევე სერვისის შესაბამასისი მახასიათებლებიც კი.
მოთხოვნები სერვის-პროვაიდერისადმი
სერვისის პროვაიდერს მოეთხოვება შექმნას ვებ-სერვერი, რომელიც შეიძლება იყოს საჯაროდ ხელმისაწვდომი ან მხოლოდ VPN არხის საშუალებით. იმ შემთხვევაში, თუ ვებ სერვერი საჯაროდ ხელმისაწვდომია, საჭიროა, რომ მას ჰქონდეს HTTPS მხარდაჭერა.
სერვისის პროვაიდერს უფლება აქვს გამოიყენოს სურვილამებრ შერჩეული ნებისმიერი API endpoint. Მაგალითად. http://serviceprovider:8088/api/mock
შესაძლებელია შემდეგი HTTP მეთოდების განსაზღვრა სერვის-პროვაიდერის ოპერაციებზე: GET, POST, PUT, PATCH & DELETE; თუმცა BOG არ გამოიყენებს HTTP მოთხოვნის body-ის წინასწარ შერჩეული ოპერაციებისთვის რაიმე ინფორმაციის გადასაცემად, მიუხედავად სერვისის პროვაიდერის მიერ არჩეული HTTP მეთოდისა.