თანხის გაყოფა

თანხის გაყოფის დეტალები

თანხის გაყოფის ფუნქციონალი გაძლევთ საშუალებას, შეკვეთიდან მიღებული თანხა მარტივად და ავტომატურად გაანაწილოთ თქვენს პარტნიორებს, სერვისის პროვაიდერებსა თუ მერჩანტებს შორის.

ფუნქციონალი ხელმისაწვდომია მხოლოდ GEL ვალუტაში და შემდეგი Online გადახდის მეთოდებისთვის:

• card
• google_pay
• apple_pay
• bog_loyalty
• bog_p2p

თუ მომხმარებელი შეკვეთას გადაიხდის სხვა მეთოდით, თანხა სრულად ჩაირიცხება ძირითად ანგარიშსწორების ანგარიშზე და გაყოფა არ შესრულდება.

ერთი შეკვეთის თანხის გაყოფა შესაძლებელია მაქსიმუმ 10 ნაწილად.

წარმატებული გაყოფის პირობები:

• ობიექტს გააქტიურებული უნდა ჰქონდეს თანხის გაყოფის ფუნქციონალი.
• ობიექტის ძირითად ანგარიშსწორების ანგარიშზე უნდა იყოს საკმარისი ნაშთი ყველა გადარიცხვისა და საკომისიოს დასაფარად.
• iban ველებში მითითებული ანგარიშები უნდა იყოს აქტიური, ადგილობრივი ბანკის და ეროვნულ ვალუტაში (GEL).
• შეკვეთა გადახდილი უნდა იყოს ზემოთ ჩამოთვლილი ერთ-ერთი მეთოდით.

თუ რომელიმე პირობა არ სრულდება, თანხის გაყოფის მთლიანი ოპერაცია წარუმატებელი იქნება და არცერთი გადარიცხვა არ შესრულდება.

პრეავტორიზაციის დადასტურება

პრეავტორიზაციის დადასტურებისას, მოთხოვნაში შესაძლებელია split ობიექტის გადმოცემა თანხის გასაყოფად.

მნიშვნელოვანია: თუ პრეავტორიზაცია მხოლოდ ნაწილობრივ დასტურდება და გაყოფა ხდება ფიქსირებული თანხებით (amount), split_payments ობიექტებში მითითებული თანხების ჯამი არ უნდა აღემატებოდეს დასადასტურებელ თანხას.

პრეავტორიზაციის გაუქმება

პრეავტორიზაციის გაუქმებისას დამატებითი მოქმედებები არ არის საჭირო. ძირითადი ტრანზაქციის გაუქმებასთან ერთად, მასთან დაკავშირებული თანხის გაყოფის მოთხოვნაც ავტომატურად გაუქმდება და მიენიჭება canceled სტატუსი.

გადახდის დაბრუნება

შეკვეთის თანხის სრული ან ნაწილობრივი დაბრუნება (Refund) გავლენას არ ახდენს თანხის გაყოფის უკვე შესრულებულ ან მიმდინარე მოთხოვნაზე. გაყოფის ოპერაცია არ უქმდება და გადარიცხული თანხები უკან არ ბრუნდება.