რეგულაციები და შეზღუდვები

რეგულაციებისა და შეზღუდვების გაცნობამდე, აუცილებელია, რომ გავარჩიოთ ორი მნიშვნელოვანი პირობა "საქართველოს ბანკის" ონლაინ განვადების პროცესში, რომელიც ვრცელდება განვადების ამღებ პირზე.

1. მომხმარებელს შესაძლოა ჰქონდეს წინასწარ დამტკიცებული ლიმიტი. პირობითი სახელით - ლიმიტი.
2. მომხმარებელს შესაძლოა საერთოდ არ ჰქონდეს წინასწარ დამტკიცებული ლიმიტი ან ჰქონდეს არასაკმარისი. ასეთ დროს მომხმარებელი ითხოვს ახალ განაცხადს, რაც გულისხმობს მომხმარებლისგან თანხმობების მიღებას საკრედიტო ბიუროსა და შემოსავლების სამსახურში გადამოწმებაზე. პირობითი სახელით - განაცხადი.

წარმატებით დამტკიცებული განაცხადის შემთხვევაშიც პროცესი ანალოგიურია. მაგალითად, მომხმარებლის სესხის ლიმიტი არის 200 ლარი, რომელიც არ ჰყოფნის სასურველი ნივთის შესაძენად. ამის გამო, მან მოითხოვა სესხი 1000 ლარის ოდენობით, რომელიც უკვე სრულად იქნება საკმარისი სასურველი ნივთის შესაძენად. მოთხოვნილი თანხის დამტკიცების შემთხვევაში, მომხმარებლისათვის 200-ლარიანი ლიმიტი შეიცვლება, გახდება 1000 და პროცესი ჩვეულებრივად გაგრძელდება.

ასევე მნიშვნელოვანია, რომ ეროვნული ბანკის მიერ დადგენილი წესის მიხედვით, თუ მომხმარებელს მოთხოვნილი აქვს 3-თვიანი განვადება, რომლის ყოველთვიური შენატანი ცდება მისი შემოსავლების კოეფიციენტს, სისტემა ავტომატურად გადაითვლის მასზე მორგებულ საუკეთესო პირობას, ანუ მოთხოვნილ ვადასთან ყველაზე ახლოს მყოფი ვადით შესთავაზებს მოთხოვნილ განვადებას. თუ განაცხადის შემდეგ დამტკიცებული ლიმიტი არცერთი ვადით კვლავ არ აღმოჩნდა საკმარისი ნივთის სრულად შესაძენად, ავტომატურად დათვლილი კოეფიციენტით სისტემა ავტომატურად შესთავაზებს მომხმარებელს თანამონაწილეობის დამატებას.

რეგულაციები

განვადების ინტეგრაციამდე გასათვალისწინებელია რამდენიმე შეზღუდვა, რომელიც მოქმედებს "საქართველოს ბანკში" ეროვნული ბანკის რეგულაციებთან შესაბამისობაში.

1. განვადების მომთხოვნი პირი უნდა იყოს საქართველოს მოქალაქე.
2. ასაკი უნდა აღემატებოდეს 18 წელს.
3. თუ მომხმარებელი არ არის გადამოწმებული "კრედიტ ინფოში", საკრედიტო ისტორიის შემოწმების მიზნით, ვალდებულია, გადამოწმდეს. ისტორიას სისტემა თავად ამოწმებს, უბრალოდ, შესაბამის ტექსტს უნდა დაეთანხმოს მომხმარებელი.
4. თუ მომხმარებელს არ აქვს წინასწარ დამტკიცებული განვადება, ახალი განაცხადის შევსების დროს, გადამოწმდება შემოსავლების სამსახურში. ამ შემთხვევაშიც, სისტემა თავად გადაამოწმებს, მომხმარებელი, უბრალოდ, ეთანხმება შესაბამის ტექსტს.
5. განვადების მინიმალური და მაქსიმალური ლიმიტები განისაზღვრება - 45 ლარიდან 15000 ლარამდე (ამ შეზღუდვას ონლაინ განვადების პლატფორმა თავად ახდენს და მერჩანტის მხრიდან ჩარევას არ საჭიროებს).
6. განვადების მინიმალური და მაქსიმალური თვე განისაზღვრება - 3-დან 48 თვემდე (ამ შეზღუდვას ონლაინ განვადების პლატფორმა თავად ახდენს და მერჩანტის მხრიდან ჩარევას არ საჭიროებს) დამატებითი ინფორმაცია რეგულაციებთან დაკავშირებით

შეზღუდვები

შეზღუდვების ნაწილი მოიცავს "საქართველოს ბანკის" მიერ დადგენილ წესებს - კერძოდ, ღამის 12 საათიდან დილის 5 საათამდე განვადებით სარგებლობა არ არის შესაძლებელი, რადგან ამ დროს მიმდინარეობს საოპერაციო დღის დახურვა. მომხმარებელი შეძლებს ლიმიტის გადათვლას ან ახალი განაცხადის მოთხოვნა/დამტკიცებას, თუმცა განვადებას ვერ გაიაქტიურებს და მისით სარგებლობა შესაძლებელი იქნება 5 საათის შემდეგ.

ერთი უნიკალური მომხმარებლის მიერ განაცხადის მოთხოვნა შესაძლებელია 24 საათში ერთხელ, განვადების ანუ ლიმიტის აქტივაციის მცდელობა შეუზღუდავია. განვადების გაუქმება შესაძლებელია განვადების აღებიდან 14 კალენდარული დღის ვადაში.